Gagamitin na ring inoculation site para sa COVID-19 vaccination ang dalawang istasyon ng Light Rail Transit Line 2 (LRT-2).
Ayon sa Department of Transportation (DOTr), maaari nang magpabakuna ng primary dose at booster shots ang mga pasahero ng Recto at Antipolo stations.
Gagawin ang bakunahan sa Recto Station tuwing Martes at Huwebes sa ganap na alas-8 ng umaga hanggang alas-5 ng hapon.
Habang gugulong naman ang bakunahan sa Antipolo Station tuwing Miyerkules at Biyernes ng alas-8:30 ng umaga hanggang alas-4 ng hapon.
Sa mga kwalipikadong mananakay, magparehistro lamang online sa manilacovid19vaccine.ph para magpabakuna sa Recto station habang antipolobantaycovid.appcase.net naman sa Antipolo station. —sa panulat niAbie Aliño-Angeles
