Inaasahang lalakas pa ang Real Estate Investment Trust (REIT) industry sa bansa.
Paniniwala ito ng isang kilalang banking institution dahil kakayanin ng merkado na makipagsabayan sa umuunlad na REIT market ng mga bansang Thailand at Malaysia.
Binigyang diin ni Reggie Cariaso, pinuno ng corporate banking strategy, products and solutions ng Bank of the Philippine Islands (BPI), makakaakit ng investor ang REIT na naghahanap ng mas malaking kita o kabuuang income returns.
Kabilang aniya sa mga bansang maaaring tularan ng Philippine REIT market ay ang Malaysia at Thailand na kapwa mayroong patuloy na pag-unlad sa REIT industry sa nakalipas na lima hanggang pitong taon.
Sinabi ni Cariaso na kung nagawa ng mga nasabing bansang kumita ng US$7-billion at US$11-billion sa kanilang REIT market capitalizations, kayang-kaya rin ito magawa sa Pilipinas.
