Naniniwala si Liberal Party Vice Chairman for Political Affairs at Caloocan City Rep. Edgar Erice na hahataw ang ratings ni Camarines Sur Rep. Leni Robredo matapos ang opisyal nitong deklarasyon bilang Vice Presidential candidate sa 2016 elections.
Sa pananaw ni Erice, double digits ang posibleng i-angat ng ratings ni Robredo at pagdating ng Disyembre ay maaaring mapabilang na ang LP Vice Presidential bet sa gitgitan ng mga mag-uunahan sa puwesto sa survey.
Aminado naman ang LP official na kung ikukumpara ay mas malawak ang karanasan ng mga kalaban ni Robredo subalit ang bentahe aniya ng biyuda ni dating DILG Secretary Jesse Robredo ay hindi ito trapo tulad ng iba.
By Drew Nacino | Jonathan Andal
