Abanse na sa ika-apat na round ng Indian Wells tennis tournament si Spanish tennis star player Rafael Nadal .
Ito ay matapos matakasan ni Nadal ang wild tie-breaker sa laban nila ng kapwa Spanish tennis player na si Fernando Verdasco .
Tinalo ni Nadal si Verdasco sa iskor na 6-0, 7-6.
Dalawamput pitong minuto lamang kinailangan ni Nadal para selyuhan ang unang set.
Ayon kay Nadal, masaya siya sa kinalabasan ng naturang laban lalo pa’t diretso niyang nasungkit ang dalawang set di gaya sa mga nauna nitong laban na kinailangan pa niyang sumabak sa third game.
By Ralph Obina
Photo Credit: Julian Finney
