Kinondena ng Commission on Human Rights (CHR) ang umano’y panggagahasa ng isang bagitong pulis sa babaeng quarantine violator sa bayan ng Mariveles, Bataan.
Iginiit ni CHR Spokesperson Atty. Jacqueline De Guia na hindi katanggap-tanggap ngayong pandemya ang mga gender-based violence kung saan pawang mga babae ang biktima.
Isa aniya itong malinaw na pag-abuso sa kapangyarihan ng ilang unipormadong kawani ng gobyerno.
Magugunitang inakusahan ang suspek na si patrolman Elmer Tuazon at sibilyang si barangay marshal team leader Armando Dimaculangan ng panggagahasa sa 19-anyos na biktima.
Agad namang ipinag-utos ni PNP chief, Gen. Guillermo Eleazar ang agarang imbestigasyon habang nagsasagawa rin ng sariling imbestigasyon ang CHR.—sa panulat ni Drew Nacino