Tuluyan nang ginawang state witness ng korte ang pulis na inakusahang pumatay sa negosyanteng Koreano na si Jee Ick Joo na dinukot at pinatay sa loob mismo ng Kampo Crame noong taong 2015.
Batay sa sampung pahinang resolusyon ng Angeles City Regional Trial Court sa Pampanga, kinatigan ng Branch 58 ang inihaing mosyon ng Department of Justice o DOJ na i-absuwelto sa kaso si SPO4 Leviste “Roy” Villegas.
Dahil dito, maaari nang tumestigo si Villegas sa kaso at isasailalim din siya, kasama ang kaniyang pamilya sa Witness Protection Program o WPP ng kagawaran.
Iginiit ng korte na lubhang kinakailangan ang magiging testimoniya ni Villegas upang matukoy ang direktang kaugnayan ng pangunahing suspek na si Supt. Rafael Dumlao sa krimen.
—-
