Sinampahan na ng tatlong kasong kriminal si Puerto Princesa City Vice Mayor Luis Marcaida III.
Kabilang sa mga kasong isinampa laban kay Marcaida ay paglabag sa Comprehensive Dangerous Drugs Act, Illegal Possession of Firearms at Illegal Possession of Explosives.
Ayon sa mga otoridad, sumalang na rin sa inquest proceedings si Marcaida sa Puerto Princesa City Prosecutor’s Office kagabi.
Magugunitang si Marcaida ay inaresto kahapon sa kaniyang bahay sa Jacana Road sa Barangay Bancao-Bancao sa Puerto Princesa City kung saan narekober dito ang mga hinihinalang shabu, mga armas at granada.
