Tumaas nang 20% ang bilang ng mga pasahero na gumagamit ng MRT-3 simula nang ikasa ang libreng sakay.
Sa panayam ng DWIZ, sinabi ni MRT-3 OIC-General Manager at Director for Operations Michael Capati, na umabot sa 335,000 ang pinakamataas na bilang ng mga mananakay sa naturang linya ng tren.
Hinimok naman ni Capati ang publiko na sumakay ng MRT-3 upang malaman ang naging improvement ng tren matapos ang rehabilitasyon nito.
Matatandaang pinalawig ng Department of Transportation (DOTR) ang libreng sakay sa MRT-3 hanggang Mayo a-30.
