Limitado pa rin ang mga public transportation para sa mga authorized person outside residence (APOR) sa ilalim ng modified enhanced community quarantine (MECQ).
Ayon sa Department of Transportation (DOTr), hindi magpapatupad ng anumang restriction at pagbabago sa public transportation capacity at operations habang nasa MECQ.
Dagdag pa ng ahensiya, tanging ang mga APOR lamang ang papayagang sumakay sa mga pampublikong sasakyan.
Bukod dito, patuloy pa ring magbibigay ng libreng sakay ang mga pampublikong sasakyan na nag-o-operate sa ilalim ng service contracting program sa mga health care workers, medical frontliners maging sa mga APOR. —sa panulat ni Rashid Locsin
