Tiniyak ni Pangulong Rodrigo Duterte na naging maingat ang PhilHealth sa pag-proseso ng hospital claims para sa mga tinamaan ng COVID-19.
Una nang inihayag ng Philippine Hospital Association na may utang ang PhilHealth sa private at public medical facilities na P20-B na COVID-19 claims.
Aminado si Pangulong Duterte na sadyang naging mabagal ang proseso dahil kailangang maging maingat ni PhilHealth President at CEO Dante Gierran dahil may kinalaman sa “receipts and documents” ang trabaho nito para sa medicines, expenses at hospital admissions.
Hindi anya dapat madaliin ang proseso ng pagkuha ng claims upang maiwasan ang kapalpakan.
Magugunitang sinabi ni Dr. Jose Rene De Grano, Pangulo ng Private Hospitals Association of the Philippines na ang delayed reimbursements ay gagamitin para sa sahod ng health care workers, medical equipment at supplies. —sa panulat ni Drew Nacino
