Hindi umano nasunod ang protocol sa implementasyon ng Dengue Immunization Program partikular ang pagtuturok ng Dengvaxia dahil kahit hindi pa tapos ang third phase ng clinical trial ay nagsagawa na ng pagbabakuna.
Ito, ayon kay Senate Health Committee Chairman JV Ejercito, ang lumitaw sa isinagawa nilang pagdinig kahapon.
Tila minadali ang immunization program dahil September 2017 pa dapat ang 3rd phase ng clinical test ng Dengvaxia pero April 2016 ay ipinatupad na ang vaccination.
