Tiniyak ng ilang myembro ng Liberal Party sa Kamara na kanilang irerespeto ang proseso ng Sandiganbayan sa kasong kinakaharap ni dating Pangulong Noynoy Aquino.
Magugunitang kinasuhan ng Office of the Ombudsman ng sa Sandiganbayan ng paglabag sa anti-graft and corrupt practices act at Article 177 o usurpation of official functions kaugnay sa madugong Mamasapano Incident na ikinasawi ng PNP-SAF 44.
Ayon kay Ifugao Rep. Teddy Baguilat, igagalang nila ang proseso ng Korte at tiwala silang kayang depensahan ng dating Pangulo ang kanyang sarili.
Nasa likod lamang anya ng dating Pangulo ang buong L.P. at sila’y sumusuporta sa hakbang nito na igiit na walang nilalabag sa batas si si Aquino nang ilunsad ang Oplan Exodus sa Mamasapano, Maguindanao.
