Ipinatupad na ng 8 kumpanya ng langis ang panibagong paggalaw sa presyo ng produktong petrolyo.
Alas-6:00 kahapon ay unang ikinasa ng Eastern Petroleum ang rollback na P0.65 sa kada litro ng gasolina at P0.55 sa kada litro ng diesel.
Epektibo naman kaninang alas-12:00 ng hatinggabi, nag-anunsiyo ang Petron ng price rollback na P0.60 sa kada litro ng gasolina, P0.60 sa diesel at P0.45 sa kerosene.
Kabilang din sa mga nagpatupad ng price rollback ang Shell, Total, Flying V at Seaoil.
Kaninang alas-6:00 ngayong araw ay nagpatupad ang PTT Philippines ng P0.60 sa kada litro ng kanilang gas at diesel.
Nagpatupad din ang Phoenix Petroleum ng P0.60 na price rollback sa kada litro ng diesel at gasolina kaninang alas-6:00 din ng umaga.
By Jelbert Perdez
