Nagbabala sa publiko ang Department of Social Welfare and Development (DSWD) kaugnay sa mga indibiduwal na nagpapanggap na kawani ng pantawid Pamilyang Pilipino Program (4Ps).
Ayon kay DSWD Spokesperson Irene Dumlao, napagalaman nilang mayroong mga nagpapanggap na mga kawani ng kanilang ahensiya at nagpapatawag ng pagpupulong para makakalap ng impormasyon.
Nilinaw naman ng tagapagsalita na walang ongoing na pagpaparehistro ang DSWD para sa mga bagong benepisyaryo ng 4Ps.
Nabatid na sa kasalukuyan ay nasa 4.2M na pamilya ang aktibong miyembro ng 4Ps.