Nagpatupad na ng bawas-presyo sa ilang produktong petrolyo ang mga kumpanya ng langis.
Sa anunsiyo ng Caltex, Petro Gazz, Petron, PTT Philippines, Seaoil, Unioil, at Shell, 0.90 sentimos ang price adjustment sa kada litro ng gasolina habang 0.10 sentimo naman sa kada litro ng kerosene.
Mamayang alas otso ng umaga naman magsisimulang mabago ang presyo ng mga produktong petrolyo ng Cleanfuel.
Samantala, wala namang magiging pagbabago sa presyo ng diesel.
Ang oil price rollback ay bunsod sa patuloy na paggalaw ng presyuhan nito sa pandaigdigang merkado.
Ito na ang ikalawang sunod na linggong nagkaroon ng bawas presyo sa produktong petrolyo kasunod ng 10 magkakasunod na linggong oil price hike. —sa panulat ni Hya Ludivico
