Posibleng bumaba ang presyo ng sibuyas sa pagpasok ng Bagong Taon.
Ito ang inihayag ng Department of Agriculture o DA dahil hihina na ang demand nito.
Sa kasalukuyan, nasa 290 hanggang 300 pesos ang presyo ng kada kilo ng sibuyas sa merkado.
Ipinabatid ni DA Deputy Spokesperson Rex Estoperez, naniniwala ang ahensya na bababa ang presyo nito dahil nagsimula na ang anihan sa Tarlac at Pangasinan.
Habang sa mga susunod na buwan din ay magsisimula ng mag-ani ang mga magsasaka sa Mindoro.
Dahil dito, umaasa aniya sila na magiging mataas na ang supply nito sa 2023.
