Naka-amba na namang mag-rollback ang presyo ng produktong petrolyo sa susunod na Linggo.
Batay sa unang tatlong araw ng trading sa world market, mahigit P3 na kada litro ang ibinagsak ng presyo ng imported diesel, gasolina at kerosene.
Sa tansa ni Department of Energy-Oil Industry Management Bureau Director Rino Abad, posibleng may kalakihan ang price rollback pero ibabawas pa rito ang premium at paghina ng piso kontra dolyar.
Gayunman, hindi pa anya matiyak kung magtutuloy-tuloy ang tapyas-presyo sa mga susunod pang linggo.
Magugunita nagpatupad noong Martes ang mga kumpanya ng langis ng malakihang tapyas na P3 sa kada litro ng diesel habang P3.40 sa kerosene.
