Bukod sa presyo ng mga gulay, patuloy pang tumataas ang presyo ng karneng baboy sa merkado.
Sa ilang pamilihan sa Metro Manila partikular na sa Mega Q-mart, tumaas ng hanggang P20 ang presyo sa kada kilo ng karneng baboy.
Ang dating P400 sa kilo naman ng liempo, tumaas na ito sa P420 kada kilo.
Ang porchop at laman naman na dating P310 hanggang P320 kada kilo ay pumalo naman sa P340 hanggang P350 kada kilo. —sa panulat ni Angelica Doctolero
