Inaasahang tataas pa ang presyo ng mga bulaklak sa Dangwa Market sa Maynila habang papalapit ang Undas.
Posibleng tumaas ang presyo ng bulaklak dahil sa madalang na supply na galing sa ibang bansa.
Sa ngayon, narito ang presyo ng mga bulaklak sa Dangwa, Malaysian Mums nasa 150 pesos kada bundle, Carnation 220 pesos sa kada sampung stem, Casablanca na nasa 150 sa kada stem, Stargazer na nasa 150 kada stem, Sunflower 120 pesos sa kada stem, Red Roses na nasa 250 pesos kada dosena, White Roses na nasa 250 pesos kada dosena, Ecuadorian roses na nasa 150 sa kada stem, at Tulips 90 pesos sa kada stem
Pagdating naman sa kandila, naglalaro sa P90 hanggang P150 ang 4 na piraso kada pack. Nasa P185 naman ang 20 piraso ng small-size candle.
Naglalaro naman sa 185 hanggang 365 pesos ang kandilang nasa baso.