Itinanggi ni Presidential Spokesman Edwin Lacierda ang mga lumabas na ulat na nagbitiw na umano siya sa puwesto.
Ayon mismo sa kalihim, hindi totoo ang nasabing ulat at patuloy niyang ginagawa ang kaniyang tungkulin bilang tagapagsalita ng Pangulong Noynoy Aquino.
Wala aniyang dahilan para mag-resign dahil maayos naman niyang nagagampanan ang kaniyang trabaho sa ehekutibo.
Sinabi ni Lacierda na iisang media entity lamang aniya ang nangungulit sa kaniya ng pagtatanong kung nagbitiw ba siya sa puwesto.
Ngunit dahil sa nakikita pa rin siya ng publiko sa regular na press briefing ng Palasyo, ibig sabihin ay nananatili pa rin siya sa tungkulin.
By Jaymark Dagala | Aileen Taliping (Patrol 23)
