Napasakamay na ng grupong Taliban ang bansang Afghanistan.
Iyan ay dalawang linggo bago matapos ang pag-alis ng tropa ng Amerika matapos naman ang dalawang dekadang digmaan.
Umalis naman na ng kanyang bansa si Afghanistan President Ashraf Ghani.
Kahit walang pang kumpirmasyon mula sa Afghan government.
Inihayag naman ng dalawang senior commander ng Taliban sa Kabul na kanilang napasok ang presidential palace.
Sa ngayon, hindi malinaw kung saan nagtungo si Ghani.
Dahil dito, binatikos sa social media ang paglisan ni Ghani sa bansa.
Bahag umano ang buntot nito dahil kanyang iniwan ang mga mamamayan ng Afghanistan sa gitna ng kaguluhan.—sa panulat ni Rex Espiritu
