Tinanggap ni Chief Justice Alexander Gesmundo ang hiling ni Incoming President Ferdinand ‘Bongbong’ Marcos Jr. na pangasiwaan ang kanyang panunumpa sa Hunyo 30.
Ito ang inihayag ni Supreme Court Spokesman Atty. Brian Hosaka, matapos um-oo ni CJ Gesmundo sa hiling ni Marcos.
Mababatid na si Marcos ay manunumpa bilang ika-17 Pangulo ng Pilipinas sa National Museum sa darating na Huwebes, na ayon sa kanyang kampo ay magiging simple lang at tradisyonal na inagurasyon.
