Kinumpirma ni Defense Secretary Delfin Lorenzana ang presensya ng mga barko ng Chinese coastguard at maritime militia ng china sa karagatang sakop ng Pagasa Island, ang pinakamalaking isla na inookupahan ng Pilipinas sa pinag-aagawang Spratly Islands.
Ayon kay Lorenzana, hindi pare-pareho ang bilang ng mga barko ng China na umiikot sa Pagasa Island.
Ang kumpirmasyon ay ginawa ni Lorenzana bilang tugon sa Tweet ni Asia Maritime Transparency Initiative Director Greg Poling na hindi umaalis sa Pagasa Island ang mga barko ng China.
Binigyang diin ni Lorenzana na hindi nila papayagang diktahan sila ng sinuman lalo na ng isang outsider na katulad ni Poling kung ano ang dapat nilang gawin.
Hindi rin anya sila puedeng umaksyon nang nakabase lamang sa Tweet.
Sa kanyang Tweet, sinabi ni Poling na nagtataka sya kung bakit hindi nababalita ang mga barko ng Chinese coastguard at maritime militia na umiikot sa Pagasa Island sa nagdang isang taon hanggang ngayon.
Just a reminder: China has maintained a constant maritime militia and CCG deployment around Thitu Island for 424 days and counting. Somehow this isn’t on the front pages of the Manila papers.
— Greg Poling (@GregPoling) February 18, 2020
