Minura ni incoming President Rodrigo Duterte ang United Nations dahil sa kabiguan nitong tugunan ang kaguluhan sa Gitnang Silangan at Africa.
Ito ang buwelta ni Duterte sa harap ng mga banta na posible itong kasuhan ng mga international news organization makaraang magpahayag ito laban sa mga mamamahayag na napaslang.
Mariing sinabi ni Duterte na dapat manahimik ang UN at wag ipilit ang code of conduct nito sa kanya.
Wala, aniya, itong pinirmahan sa UN na nagsasaad kung paano umasal nang wasto.
Dagdag ni Duterte, nagkakandamatay na ang mga tao sa Gitnang Silangan at Africa pero hindi naman mareso-resolba ng UN.
By: Avee Devierte
