Binigyan ni Pangulong Rodrigo Duterte ng Presidential Pardon ang apat na komunistang rebelde na na-convict sa kasong murder at kidnapping.
Ito ang kinumpirma ni Labor Secretary Silvestre Bello III na tumatayo ring pinuno ng Government Peace Panel.
Kinilala ang mga nagawaran ng Presidential Pardon na sina Martin Villanueva, Bonifacio Suyon, Dindo Absalon at Rico Bodina na pawang magsasaka.
Sina Villanueva at Suyon ay convicted sa kasong kidnapping, habang sina Absalon at Bodina ay sa kasong murder.
By Meann Tanbio / Aileen Taliping (Patrol 23)