Nakatakdang makaharap ng mga pamilya ng mga biktima ng Maguindanao Massacre si Pangulong Rodrigo Duterte.
Ito ang inihayag ni Presidential Spokesperson Harry Roque kasabay ng pagtitiyak na prayoridad pa rin ng pamahalaan ang mabigyan ng hustisya ang mga biktima ng Maguindanao Massacre.
Ayon kay Roque, isinasaayos na ang nasabing pagkikita ng Pangulo at mga pamilya ng mga biktima ng Maguindanao Massacre kaalinsabay ng pag-gunita ng ika-walong anibersaryo nito bukas, a bente tres ng Nobyembre.
Dagdag ni Roque, kaisa ng mga pamilya ng mga biktima si Pangulong Duterte sa paghahangad ng katarungan.
Naniniwala aniya ang Pangulo na ang nangyaring pagpaslang sa mga mamamahayag ay nangangahulugang pagkitil din sa karapatan ng malayang pamamahayag.
