Pinag-aaralan na ng Philippine National Police – Highway Patrol Group o PNP-HPG ang biyahe ng mga tinatawag na premium bus.
Ito ang mga bus na bibiyahe sa kahabaan ng EDSA mula North Avenue hanggang Ayala Avenue ng walang hintuan.
Ayon kay PNP-HPG Spokesman Supt. Grace Tamayo, paraan ito upang mapaluwag ang biyahe ng mga sasakyan partikular sa EDSA.
Paglilinaw pa ni Tamayo, bagama’t walang hintuan ang mga bibiyaheng premium bus, wala aniyang magbabago sa singil nito sa pasahe.
Nagmula ang mga premium bus sa mga kumpaniyang nagboluntaryong magpahiram ng isang unit na pupuwesto sa north terminal.
By Jaymark Dagala
