Itinakda ng Department of Justice (DOJ) sa February 19 ang preliminary investigation kaugnay sa pagpaslang kay Quezon City Deputy Prosecutor Rogelio Velasco.
Kasunod na rin ito ng pagsalang ng tatlong pulis sa suspek sa pagpatay sa prosecutor sa clarificatory hearing.
Inatasan ni Senior Assistant State Prosecutor Peter Ong sina SPO2 Rodante Sicat Lalimarco, PO3 Arthur Yasonla Lucy at PO1 Jose Unar Mercado para magsumite ng kanilang kontra salaysay sa pagsisimula ng preliminary investigation.
March 11 naman inatasang magsumite ng reply affidavit ang mga complainant at March 25 naman nakatakdang isumite ng respondents ang kanilang rejoinder affidavit.
