Inihihirit ng Executive Department sa Senate Finance Panel na dapat umanong madagdagan ng anim na bilyong piso ang pondo o budget para sa probisyon ng ikatlong COVID vaccine doses o booster shots para sa susunod na taon.
Nabatid na nasa 45.3 bilyong pisong halaga ang budget sa unprogrammed appropriations para sa pagbili ng booster shots sa mga fully vaccinated sa bansa.
Sakaling maaprubahan ang naturang hiling ay aabot na sa mahigit 61 bilyong piso ang halaga ng magiging pondo para sa naturang mga bakuna.—sa panulat ni Angelica Doctolero
