Nangunguna na rin si Senadora Grace Poe sa presidential survey ng Social Weather Stations o SWS.
Sa naturang survey, nalamangan ni Poe ng 8 porsyento si Vice President Jejomar Binay makaraang makakuha ng 42 percent ang senadora habang 34 percent naman ang Bise Presidente.
Samantala, tumaas naman ng anim na porsyento ang rating ni DILG Secretary Mar Roxas na nakakuha ng 21 percent na sinundan ni Davao City Mayor Rodrigo Duterte na may 20 percent.
Ang naturang survey ay isinagawa mula sa Hunyo 5 hanggang 8 sa may 1,200 respondents.
Matatandaang sa pinakahuling survey ng Pulse Asia kahapon, nanungusan din ni Poe si Binay sa pamamagitan ng 30 porsyentong rating nito habang bumagsak naman sa 22 porsyento ang nakuha ng Pangalawang Pangulo.
By Ralph Obina
