Handang tanggapin ni Senadora Grace Poe ang anumang magiging pinal na kapasyahan ng Korte Suprema.
Ito’y makaraan ang isinagawang oral arguments ng mga mahistrado kaugnay sa mga kasong disqualification na kanyang kinahaharap.
Binigyang diin ng senadora, kumpiyansa silang papanigan ng mga mahistrado ang kanilang mga argumento kaya’t hindi nila iniisip na madi-disqualify din siya.
Hindi rin pinagsisisihan ni Poe ang pagtabla kay administration bet Mar Roxas bilang running mate para tapatan ang kandidatura nito sa darating na halalan.
Batid din ng senadora na hindi siya aabot sa ganitong sitwasyon kung tinanggap niya ang alok ng administrasyon.
By Jaymark Dagala | Cely Bueno (Patrol 19)
