Tabla na sa unang pwesto sa pre-election survey ng Pulse Asia sa pagka pangulo sina Sen. Grace Poe at Vice President Jejomar Binay.
Sa survey na isinagawa noong February 15-20, umabot sa 26% ang pumabor kay Poe habang 25% percent naman ang kay Binay.
Sumunod sa ikatlo at ikaapat na pwesto sina Davao City Mayor Duterte at dating Department of Interior and Local Government Mar Roxas na parehong nakakuha ng 21%.
Samantala, wala namang pagbabago sa survey rating ni Sen. Miriam Defensor Santiago na mayroong 3% na boto.
Sa vice-presidential preference naman, nakahabol na si Sen. Ferdinand Marcos sa front runner na si Sen. Chiz Escudero.
Magkasalo sa tuktok sina Escudero at Marcos makaraang makakuha ng 29% at 26% na boto.
Nasa ikalawang pwesto naman si Camarine Sur Rep. Leni Robredo na na nakakuha ng 19%. Sinundan ito ni Sen. Alan Peter Cayetano na nagtamo ng 12%, Sen. Antonio Trillanes IV na may 6% at Sen. Gringo Honasan na may 3% na boto.
By: Mark Gene Makalalad
