Inihayag ng Transportation Department na gusto nitong mapakinabangan na ng publiko ang PNR Clark Phase 1 Project sa huling bahagi ng taon.
Ayon kay Transportation Secretary Arthur Tugade, sa ngayon ay nasa 43% na ang natatapos sa konstruksyon ng naturang proyekto magmumula sa Tutuban hanggang Malolos sa Bulacan.
Dagdag pa ni Tugade, ito ang dahilan kaya’y minamadali na niya ang pagsasagawa ng naturang rail line sa lalong madaling panahon.
Oras namang matapos ang Phase 1 ng naturang proyekto, aabot na lang sa loob ng 30 minuto ang biyahe mula Tutuban hanggang Malolos sa kasalukuyang isa’t-kalahating oras na biyahe nito.
Mababatid na kakayanin din nitong magsakay ng 330,000 na mga pasahero kada araw.
