Nanindigan ang Philippine National Police (PNP) na matagumpay ang giyera kontra droga ng administrasyong Duterte.
Ito’y matapos sabihin ni Vice President Leni Robredo na talamak pa rin ang iligal na droga sa bansa.
Ayon kay PNP Spokesperson Brig. Gen. Bernard Banac, magpapatuloy ang pagpapatupad ng war on drugs sa bansa bilang ito ay bahagi ng mandato na kailangan nilang gampanan.
Sinabi pa ni Banac na positibo ang naging resulta ng approval rating ng mga Filipino sa war on drugs kaya’t maituturing itong tagumpay.
Una na rito, kinontra ng Malakaniyang ang pahayag ni Robredo at sinabing nagpapadala ito sa mga kasinungalingan at black propaganda ng oposisyon.
