Pumalo na sa 7,141 ang kabuuang bilang ng mga dinapuan ng coronavirus disease 2019 (COVID-19) sa hanay ng Philippine National Police (PNP).
Ayon sa PNP Health Service, ito’y makaraang makapagtala ng 44 na mga bagong kaso ng virus sa nakalipas na magdamag.
Sa datos, aabot sa 556 ang kabuuang aktibong kaso ng COVID-19 sa hanay ng pulisya.
Nasa 31 naman ang nadagdag bilang ng mga gumaling, dahilan para umakyat ang bilang sa 6,563.
Samantala, sa kaparehong tala, nananatiling nasa 22 ang bilang ng mga nasawing pulis sa COVID-19. —ulat mula kay Jaymark Dagala (Patrol 9)
