PNP naka-full alert na para sa ASEAN Summit

Naka-full alert na ang buong hanay ng Philippine National Police (PNP) bilang paghahanda sa idaraos na ASEAN o Association of Southeast Asian Nations Summit ngayong linggo.

Ayon kay PNP Chief Ronald ‘Bato’ dela Rosa, kahapon pa sila nag-deploy ng mga tauhan para tiyakin ang kaayusan at seguridad ng ASEAN Summit.

Inatasan din ni Dela Rosa ang mga pulis na i-monitor ang event sa buong maghapon.

Umaasa ang PNP Chief na walang anumang insidenteng may kaugnayan sa seguridad ang maitatala sa naturang event.

Ang full alert status ay tatagal hanggang sa patapos ang ASEAN Summit.

Zero incident

Tiwala ang PNP o Philippine National Police na walang mangyayaring masama sa gitna nang mahigpit na seguridad na pinaiiral may kaugnayan sa pagdaraos ng ASEAN Summit.

Ito ayon kay NCRPO o National Capital Region Police Office Chief Director Oscar Albayalde ay dahil halos isang taon silang naghanda sa seguridad sa naturang event.

Simula na aniya ngayong araw na ito ang full deployment ng lahat ng mga may kinalaman sa pagbibigay ng seguridad sa mga delegado.

Mahigpit aniya ang paalala ni PNP Chief Director General Ronald ‘Bato’ dela Rosa na gawing zero incident ang buong linggong pagdaraos ng ASEAN SUMMIT.

“Ang sabi niya pinakita niya ang kanyang ulo na bilog ibig sabihin nun parang hugis zero at pinapakiusap niya na sana maging zero incident nga ang ASEAN Summit sa ating bansa.” Ani Albayalde

Ipinabatid pa ni Albayalde na naka-puwesto na rin ang kanilang mga tropa sa ilang area malapit sa PICC o Philippine International Convention Center dahil sa inaasahang mga pagkilos.

“Puwede po sila sa Liwasang Bonifacio, iwasan po sana natin ang Roxas Boulevard dahil yan ay gagamitin ng ating mga kababayan, magiging very busy area po yan, kung hindi naman po sila nakakaabala ay hahayaan na lang natin sila providing na hindi sila makasakit o makaabala ng trapiko.” Pahayag ni Albayalde

By   Ralph Obina | with report from Jonathan Andal (Patrol 31) | Balitang Todong Lakas (Interview) 

Comments

comments