Ikukunsidera ng Philippine National Police (PNP) ang muling pag-activate ng mga tourist police units sa iba’t-ibang tourist destinations ng Pilipinas.
Ayon kay PNP Director for Operations Pol. Maj. Gen. Valeriano de Leon, ito ay para masuportahan ang layunin ni Pangulong Ferdinand “Bongbong” Marcos, Jr. na buhayin ang tourist industry ng bansa matapos ang ilang taong pagkalugmok nito bunsod ng covid-19 pandemic.
Sinabi ni De Leon, na kanila nang pinag-aaralan ang pag-reactivate ng tourist police upang magkaroon ng koordinasyon sa mga local tourism offices para i-maximize ang kontribusyon ng PNP sa pagbangon ng industriya ng turismo maging ang paglalatag ng seguridad sa mga tourist destinations.
Bukod pa dito, pinatitiyak din ni De Leon sa mga police commander ang kaligtasan ng mga lokal at dayuhang turista sa kani-kanilang lugar.
