Nakahanda ang Philippine National Police o PNP na tulungan ang Philippine Drug Enforcement Agency o PDEA sa kanilang imbestigasyon hinggil sa mga opisyal ng barangay na sangkot sa iligal na droga.
Sa harap ito ng nakatakdang pagsasapubliko ng PDEA sa narco-list ni Pangulong Rodrigo Duterte.
Ayon kay PNP Chief Director Oscar Albayalde, hinihintay na lamang nila ang “request” mula sa PDEA bago nila simulan ang “case build up” sa mga nasabing opisyal ng gobyerno.
Una nang sinabi ni Albayalde na suportado niya ang pagpapangalan sa mga barangay officials na sangkot sa droga para magabayan ang publiko sa pagboto sa barangay at Sangguniang Kabataan elections sa Mayo 14.
(With report from Jonathan Andal)
