Nakahanda ang Philippine National Police (PNP) na ituro kay Vice President Leni Robredo ang law enforcement side ng Inter Agency Committee Anti-Illegal Drugs (ICAD).
Ipinaliwanag ni PNP Officer In Charge Lt General Archie Gamboa na may iba’t-ibang papel ang mga ahensya ng pamahalaan na miyembro ng ICAD at law enforcement ang nakatoka sa PNP.
Sa ngayon anya ay kelangan pa ring makipag-usap ni Robredo sa Pangulong Rodrigo Duterte upang maging malinaw ang magiging papel n’ya sa ICAD bilang co-chairman.
When being a co-chairperson of the ICAD, it encompasses a lot of things. As I hope, she will not only concentrate on law enforcement because as presented mas marami actually dapat doon sa advocacy and rehabilitation. As a matter of fact, yun ang concentration niya, sabi niya on all our surrenderee’s yung mga pumunta dun sa rehabilitation center, yung arrested. How many really went back to the community to become ordinary and productive citizens?’ So, ito naman on the part of the PNP very restrictive kasi yung mandate namin, it’s purely law enforcement function,” ani Gamboa. — ulat mula kay Jaymark Dagala (Patrol 9)
