Pinalitan na ng Philippine National Police (PNP) ng “neutralized” ang salitang “killed,” sa report hinggil sa Oplan Double Barrel.
Ayon kay PNP Spokesman Sr. Supt. Dionardo Carlos, ito ay dahil wala namang intensyon ang pulis na patayin ang mga nanlabang suspek.
Sa huling report, umabot na sa 1, 661 drug suspects ang na-neutralize o nasawi; 29, 910 naman ang naaresto at 746,000 naman ang sumuko.
Umakyat na din sa 13 pulis at 3 sundalo ang nasawi sa mga operasyon, habang 40 pulis at 8 sundalo naman ang nasugatan.
By Katrina Valle | Jonathan Andal (Patrol 31)
