Inamin ni PNP Chief Director General Ronald Dela Rosa na ang Pangulo ang siyang nag-utos na ireinstate si Superintendent Marvin Marcos bilang pinuno ng CIDG Region 8.
Ngunit sa pagharap ni Dela Rosa sa pagdinig ng Senado, inusisa siya ni Senadora Leila De Lima kung bakit nagpaliguy-ligoy pa ito sa pagbulgar kung sino talaga ang kumpadreng tinukoy niya na tumawag sa kanya.
Paliwanag ng PNP Chief, sinanay silang wag isiwalat ang kanilang mga impormante.
Ngunit ituturo rin daw niya ang Pangulo kung sakaling dikdikin siya sa Senado.
Gayunpaman, naniniwala, aniya, siya na may dahilan ang Pangulo kung bakit nito iniutos na ibalik sa pwesto si Marcos.
By: Avee Devierte
