Idineklarang “adopted son” ng Mountain Province si PNP chief Director General Ronald Dela Rosa.
Sa isinagawang cultural adoption rites kasabay ng 50th foundation day ng mountain province, pinangalanan si Dela Rosa bilang “Muling” na ang ibig sabihin ay “unbreakable one” at “firm” sa salita ng mga Igorot.
Mismong si Mt. Province Governor Bonifacio Lacwasan Jr. ang nagbigay ng parangal kay Dela Rosa, na siyang panauhing pandangal sa nasabing selebrasyon.
Ayon kay Lacwasan, pinili nila ang Igorot name na “Muling” para kay Dela Rosa dahil sa katatagan nito sa kampanya ng gobyerno laban sa iligal na droga at sa ginagawang cleansing sa hanay ng pulisya.
Una rito, kinilala ding adopted son ng Mt. Province si dating senator Bong Revilla na pinangalanang “Oddagan” noong 2008.
By Meann Tanbio
