MARIING kinondena ng Police Regional Office 12 ang nangyaring pagsabog ng isang yunit ng Mindanao Star Bus sa Purok Narra, Barangay Upper San Mateo, Aleosan, Cotabato kaninang umaga.
Ayon kay SOCCSKSARGEN PNP Director P/BGen. Alexander Tagum, makaaasa ang mga biktima na maihahatid agad sa kanila ang katarungang dapat ay sa kanila at tiniyak na pananagutin ang sinumang nasa likod nito.
Umaasa rin si Tagum sa mabilis na paggaling 7 nasugatan sa insidente kung saan, 3 sa mga ito ay pawang mga menor-de-edad.
Kasunod nito, inatasan na ni Tagum si P/Col. Michael Lebanan para pamunuan ang binuong Special Investigation Task Group na siyang tututok sa imbestigasyon sa anila’y terroristic act.
Batay sa inisyal na imbestigasyon, isang Improvised Explosive Device o IED ang pinasabog sa likurang bahagi ng bus habang binabaybay nito ang National Highway malapit sa lumang munisipyo.