Puspusan ang ginagawang ugnayan ng Philippine National Police gayundin ng Philippine Drug Enforcement Agency.
Ito’y para tukuyin at imbestigahan ang tila blind item kamakailan ni Pang. Rodrigo Duterte tungkol sa isang presidential aspirant na gumagamit umano ng cocaine.
Ayon kay PNP Chief P/Gen. Dionardo Carlos, may mga nasimulan na aniyang pangangalap ng mga impormasyon at mga ebidensya ang kanilang Drug Enforcement Group o PDEG para isumite sa PDEA bilang lead agency sa war on drugs.
Aalamin din aniya nila sa Malakaniyang kung saan nagmula ang impormasyon lalo’t hindi naman sila maaaring dumirekta sa pangulo.
Wala namang time-frame na ibinigay si Carlos sa PDEG kung hanggang kailan tatagal ang kanilang imbestigasyon dahil nagiging maingat sila sa pagkumpirma nito.
