Handa umanong makulong si Pangulong Benigno Aquino III pagkatapos ng termino nito sa Hunyo 30.
Sagot ito ng Malacañang sa banat ng ilang kritiko na takot umano ang Pangulo na matulad sa sinapit nila dating Pangulong Gloria Arroyo at Joseph Estrada na nakulog matapos bumaba sa puwesto.
Ayon kay Presidential Communications Secretary Sonny Coloma, hindi natatakot makulong ang pangulo dahil tapat naman aniya itong naglingkod sa bayan.
Binigyang diin pa ni Coloma na taliwas sa ipinaparatang ng mga kritiko, todo ang pangangampanya ng Pangulo sa mga manok ng administrasyon upang makatiyak na maipagpapatuloy ang mga nasimulang reporma at programa sa ilalim ng Daang Matuwid.
By Jaymark Dagala
