Hindi pa sapat ang ban sa paggamit ng plastic soft drinks straw at coffee stirrers para maiwasan ang plastic pollution.
Ayon ito kay Atty. Gloria Estenzo-Ramos, vice president ng Oceana Philippines International bagamat welcome development ang naturang hakbangin ng National Solid Waste Management Commission.
Sinabi ni Ramos na nauubos na ang oras kaya’t kailangan nang agarang pigilan ang plastic pollution na sumisira sa karagatan at hindi na dapat maghintay ng 20 taon pa para tuluyang mai-ban ang single use ng plastic sa buong bansa.
Kasabay nito isinulong ng Oceana at mahigit 40 civil society at enviromental groups ang pagbabawala din sa paggamit ng plastic tabo, bag kabilang ang oxo degradable plastics, kutsara, tinidor at kutsilyo, bote, thin plastic take out containers, Styrofoam o polystyrene food containers at sachet, packaging o produkto na multi layered ng iba pang materyales.
