Kinakailangan pang masusing pag-aralan ng pamahalaan kung muling magpapatupad ng temporary deployment ban sa mga bansang nakapagtala na ng bagong variant ng COVID-19.
Ayon kay Philippine Overseas Employment Administration Chief Bernard Olalia, magsasagawa pa sila ng malawakang konsultasyon sa lahat ng mga maapektuhang sektor lalo na sa mga nangingibang bansang health workers.
Aniya, kanilang hihingan ng opinyon sa usapin maging ang mga dalubhasa.
Tiniyak naman ni Olalia na sakaling magpasiya silang suspendihin muli ang pagpapadala ng mga manggagawa sa ibang bansa, kanilang isasaalang-alang ang ikabubuti ng mga OFWs.
Sa kasalukuyan, nasa P5K health workers lamang kada taon ang pinapayagan ng pamahalaan na makapagtrabaho sa ibang bansa sa gitna ng nararanasang COVID-19 pandemic.
