Pinalagan ni Assistant Minority Leader and ACT Teachers Rep. France Castro ang banta ni Comelec Commissioner Rey Bulay na ipaaaresto sa Armed Forces of the Philippines ang sinumang nagpapakalat na sila ay mandaraya at may kinakampihan.
Giit ni Castro, bawal ang komisyoner na balat sibuyas at kapit-gatilyo sa public office, gayong ginagamit lamang aniya ng publiko ang karapatan nitong umapela o punahin ang komisyon para sa pagdaraos ng maayos, mapayapa at kapani-paniwalang halalan na siya aniyang trabaho ng Comelec batay sa konstitusyon
Dagdag ng mambabatas, dapat agad bawiin ng komisyon ang naturang pahayag na siya aniyang pumipigil sa malayang pananalita at pagpapahayag—at humahadlang sa lumiliit nang demokratikong espasyo sa bansa.
