Tinawag na ambisyoso ni Senate ways and means committee Chairman Sonny Angara ang tax reform package na isinusulong ng Administrasyong Duterte.
Ito’y makaraang ihayag ng Department of Finance na aabot sa 180 Bilyong Piso ang magiging pagkalugi ng gubyerno kapag ibinaba ang income tax rate sa 25% mula sa dating 32%.
Ayon kay Angara, pag-aaralan muna ng Senado ang nasabing panukala dahil kailangang konsultahin ang lahat ng sektor na tatamaan upang masiguro na hindi magiging dehado ang publiko.
Dahil dito, mananatili ang kanilang panukala na gawing utay-utay ang pagbaba ng income tax rate dahil sa pagtaya nila, aabot lamang sa 50 Bilyong Piso ang mawawala sa gubyerno.
By: Jaymark Dagala / Cely Bueno
