Excited na ang aktor at producer na si Piolo Pascual sa pelikulang gagawin nila ni 2015 Miss Universe Pia Wurtzbach sa darating na 2018.
Ayon kay Piolo, very proud siya kay Pia na malayo na aniya ang narating.
Gayunman, sa kabila ng mga pag-uusap ukol sa proyekto,hindi pa masabi ni Piolo kung kailan inaasahang sisimulan ang naturang pelikula nila ni Pia dahil depende pa ito sa availability nilang dalawa.
Sa ngayon aniya ay nais niyang tapusin ang kanyang soap opera para matutukan ang nilulutong pelikula nila ni Pia.
